الرئيسيه

خطوة التانية لمعرفة نطق الكلمات

الــــــــــدرس الثاني
معادنا مع الخطوة التانية لمعرفة نطق الكلمات
تركيبات الحروف

ايه هي تركيبات الحروف دي هناخدها واحده واحده ان شاء الله وهي سهله جدا برده وهي عبارة عن حرفين أو تلاته جانب بعض
ليهم نطق معين لو جم في كلمة

تركيبات الحروف زي مثلا th في اللغه الانجليزيه تنطق اييييه ؟؟؟
طبعا عارفين ( ث أو ز)
في اللغه الالمانيه بقي فيه برده تركيبات حروف بس هي اكتر شويه من اللغه الانجليزيه بس سهله جدا ووقت ما تحفظها هي ونطق الحروف تبقي انت كده حطيت ايدك علي اول طريق التحدث بالالمانيه
اولا تركيبات الحرف A
AU ــــــــــــــــ تنطق آآآو ( بفتح الالف ) زي كأنك بتقول كاو من غير كاف
AU ولكن A عليها اوملاوت ـــــــــــــــ تنطق أوووي
ثانيا تركيبات الحرف C
CK >>> وتنطق ك وكذلك CA تنطق ك
CH >>> تنطق ش لكن لو سبقها حرف من الحروف دي U _ O_ A ننطقها خ
CHS >>> تنطق اكس
SCH >>> تنطق ش
تركيبات الحرف E
ei تنطق آآآي يعني i بالانجليزية
ie تنطق إي مثل نطق e بالانجليزية
eu تنطق أوووي بضم الالف
تركيبات الحرف f
pf >>> تنطق إف عاديه لكن ال p يتم نطقها بلطف غير واضحة يعني مثلا kopf تنطق (كوبف) بخطف الواو وهمس الباء ,,, وتعني رأس
تركيبات الحرف g
هو ينطق جيه يعني لا يعطش … (مفيش تعطيش في الالمانيه)
ig >>>>> لو جت في اخر الكلمه تنطق ش وهي دايما بتيجي في اخر الصفات
يعني مثلا زي billig تنطق بيليش …. يعني رخيص
تركيبات الحرف H
مالهاش تركيبات غير حاجه بسيطه
لو سبقها حرف من الحروف دي ( o _ a _ u ) علي طول ماتتنطقش ال h
يعني مثلا زي sohn تتنطق زوون لأن s بتتنطق ز لو جت في اول الكلمه علي طول … ولاحظ ال h قبلها o ( حرف متحرك ) عشان كده لم تنطق ونمد شوية في الواو
تركيبات الحرف Q
مالوش غير تركيبه واحده مع حرف U
QU <<<< تنطق KV يعني كف ( الفاء عليها تلات نقاط ونكسر الكاف)
وطبعا ال Q لوحدها تنطق كو
تركيبات الحرف S
ST >>> تنطق شت ,,,,, زي مثلا STRASSE يعني شارع وتنطق شتراسه
SP >>> وتنطق شب ,,,,, مثال (sprache ) يعني لغه وتنطق شبراخه
نلاحظ في هذا المثال ثلاث اشياء
sp نطقناها شب
ch نطقناها خ
e نطقناها هه ( لما يأتي الحرف دا اخر الكلمة ينطق هه مخففه )
لذلك نطقنا الكلمة شبراخه
تركيبات الحرف T
tion >>>> وتنطق تسيون
tie >>> وتنطق تسي
وكدة يبقي انتهينا من نطق الحروف وتركيباتها
الحمد لله انت كدة خطيت اول خطوة بنجاح في اللغة الألمانية لو حفظت الحروف وتركيبات الحروف
شوفتوا بقي يا اخواتي اللغة الألمانية سهله جدا ازاي بس تركيز قليل ومراجعه كتير
دي بعض الكلمات هسيبكوا معاها عشان تطبقوا التركيبات والحروف
حاول تنطق الكلمات وتسمعهم من جوجل للترجمة او الموقع دة
 http://www.arabdict.com/ar/deutsch-arabisch
ودا واجب انهارده
zucker يعني سكر
bitte يعني من فضلك
buch يعني كتاب
ich يعني انا
leute يعني الناس
Apfel يعني تفاحة
arbeit يعني العمل
fernseher يعني تلفزيون
willkommen يعني مرحبا
pause يعني راحة

تعلم في هذا الفيديو المفردات والعبارات الألمانية التي تستعمل في التحية
كيف تحيي الناس بالألمانية بشكل مهذب
كيف تقوم بالسلام على الأخرين في اللغة الألمانية بطريقة واسلوب جميل
ما هو كيف حالك بالألمانية – ماذا تفعل بالألمانية – هل أنت بخير بالألمانية
وبكدة نبقى خلصنا الدرس الثانى بالتوفيق 
وتذكروا دائما ان كل بداية صعبة     aller anfang ist schwer 

الكاتب :
السلام عليكم ورحمة الله اخي الزائر ان كان هناك اي كتاب تريده او اي مساعدة يمكمنك زيارة صفحتي وارسال لي ماتريد من كتب او مساعدة هذا الموقع مجاني مقدم مني
أخر مواضيعى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *